التكوين للأساتذة المتعاقدين المدمجين :
للزملاء الجدد الأساتذة المتعاقدين سيصبحون بصفة متربصين :
ستأتيكم مقررة الإدماج + التربص ، يعني راح ترجع (متربص) و يطلبو عليكم ملفات جدد تدفعوهم لمديرية التربية و هاذي الملفات راح تفوت على الوظيف العمومي يراقبها و الصح قاع راهو فالوظيف العمومي كي يقبل الملف تاعك خاطر كي تدمج.
كاين معانا جماعة لي قصاوهم و هما جماعة (عدم تطابق الشهادة مع المنصب) بعدها يعيطولكم تقراو فالتكوين والتكوين هذا راح يفيدكم تقراو فيه مجموعة من المقاييس (المواد) حاولو تقراو و تفهموهم مليح خاصة مقياس (تعليمية المادة) و مقياس (علم النفس التربوي).
ديروا بحث صغير كي شغل مذكرة، و تفوتو امتحان شكلي يعني الكل ناجح
و خلال التكوين ممنوع الغياب نهائيا ✅.
بعد ما تكملو التكوين و تنجحو فيها كما قلنا تكتسب صفة (متربص) و زيد تتكون مع أستاذ مكون أو أستاذ مرسم معاك فالمؤسسة أو مؤسسة أخرى تحضر معاه حصص و يحضر معاك و يفهمك مليح و يجاوبك على كل الإستفسارات تاعك فالأخير يعطيك (وثيقة المرافقة البيداغوجية) تحتاجها يوم الترسيم. 😊
ملاحظة: في أيام التكوين لازم عليك تشري كراس تكتب فيه الدروس تاعك خاطر يوم الترسيم بزاف مفقشين يطلبو ضمن الوثائق من طرف المفتش سيد المادة.
صح فطوركم للجميع تقبل الله منا ومنكم صالح الأعمال 🤲🏻